काठमाडौ । सत्तारुढ गठबन्धनको तर्फबाट काठमाडौं महानगरपालिकाकि मेयर उम्मेदवार सिर्जना सिंहले स्थानीय सरकारले ध्यान पु¥याउन नसक्दा काठमाडौंको मौलिक सभ्यताहरु लोप हुने अवस्थामा पुगेको बताउनुभएको छ ।
आइतबार काठमाडौंमा आयोजित बुद्धिजिवी भेला तथा छलफल कार्यक्रमलाई सम्बोधन गर्दै उम्मेदवार सिंहले काठमाडौं उपत्यकामा भएका मौलिक सभ्यता र परम्पराको संरक्षण गर्न स्थानीय सरकारले ध्यान नदिएको बताउनुभएको हो । उहाँले स्थानीय सरकारले राजनीति मात्र गरेका कारण मौलिक सभ्यता र सम्पदाहरु लोप हुने अवस्थामा पुगेको बताउनुभयो । आफु काठमाडौंको मेयरमा निर्वाचित भएमा सम्पदाको संरक्षण र सम्वद्र्धनमा विशेष ध्यान पु¥याउने उहाँले बताउनुभयो ।
उहाँले भन्नुभयो – ‘काठमाडौं ऐतिहासिक शहर हो । विश्व सम्पदा सूचिमा पनि परेको छ । यस शहरका थुप्रै आफ्नै मौलिक सभ्यताहरु, सम्पदाहरु छ । यहाँका मुर्तिकला, बास्तुकला, चित्रकला, यहाँका नाटकहरु, अरु कलाकारिता भैरवनाथदेखि यहाँका कलाकारिता पनि आफ्नै मौलिक छ । तर त्यो लोप हुने अवस्थामा गइराखेको छ । कसरी गइराखेको छ भने स्थानीय सरकारले ध्यान नपु¥याउँदा र उसले पहल नगर्दा खालि राजनीतिमात्र गर्दाखेरी यस्ता चिजहरु सबै लोप हुन गइराखेको छ । त्यो उजागर गर्न र त्यसलाई संरक्षण र सम्र्वद्धन गर्न मेरो सधैँ पहल हुनेछ र म गर्छु ।’
त्यसैगरी कार्यक्रममा बोल्दै वरिष्ठ कलाकार निर शाहले काठमाडौं महानगरपालिकाको मेयर उम्मेदवार सिर्जना सिंहसँग अर्का उम्मेदवार केशव स्थापितको तुलना गर्न नमिल्ने बताउनुभयो । सिंहलाई विगतमा सरकारले नजरबन्दमा राखेको उल्लेख गर्दै उहाँले स्थापितलाई भने राजाले राज्यकोषको प्रयोग गर्न पाउनेगरी मेयर पदमा नियुक्त गरेको बताउनुभयो । पार्टीको स्वार्थका लागि नै स्थापितलाई राजासँग गहिरो सम्बन्ध बनाउनका लागि उहाँको तत्कालिन पार्टीले सो पदमा पठाएको उहाँले दाबी गर्नुभयो ।
उहाँले भन्नुभयो – ‘तिनै निमित्त राजाले संसारभरको सुख, सुविधा दिएर तिनलाई सरकारी राज्यकोष प्रयोग गर्न पाउने गरीकन यही मेयर पदमा नियुक्त गर्नुभएको होइन ? नजरबन्दमा रहने नेत्री सिर्जना सिंहसँग राजाको राज्यकोषबाट सुविधा भोग्ने मान्छेको कुनै तुलना हुन्छ ? यो एउटा प्रशंग र एउटा तुलना नै कसले हाम्रो प्रतिनिधिका रुपमा हामीले छनौट गर्नुपर्छ भन्ने कुरालाई निर्णय गर्नका लागि पर्याप्त छ । तर यस बारे धेरै चर्चा हुने गरेको मैले सुनेको छैन ।
त्यहाँ दुईवटा कोणहरुबाट काम भएको मैले बुझ्दछु । उहाँलाई, नाम लिइराख्नु आवश्यक छैन । हाम्रो सिर्जना सिंहजीको प्रतिद्वन्दीलाई राजासँग गहिरो सम्बन्ध स्थापना गर्नका लागि यि बा बादीहरुले नै स्थापित गरेका हुन् त्यहाँ । ताकी भोली दुनो आफुतिर सोझीयो भनेदेखि त्यसबाट प्राप्त गर्ने सम्पूर्ण सुख, सुविधाहरु त्यो नाम गरेको पार्टीले प्राप्त गर्न सकोस् । त्यो एउटा एङ्गल थियो । नत्रभने त्यति सहजै त्यो मानिसले त्यहाँबाट राजीनामा गर्ने, राजीनामा गरिसकेपश्चात फेरी त्यही पार्टीको विभिन्न पदमा घरीघरी पुरस्कृत हुने त्यो इतिहासको बारेमा चिन्तन गर्नु पर्दैन ? अवश्य गर्नुपर्छ ।’
उहाँले काठमाडौं महानगरपालिकाको मेयरमा सिंहलाई विजयी गराउनुपर्ने बताउनुभयो ।
