काठमाडौं । प्रधानमन्त्री तथा नेपाली कांग्रेसका सभापति शेरबहादुर देउवाले नेपालले बिकासका लागि ऋण लिन नसक्ने बताउनु भएको छ ।
बुटवलको देवीनगरमा आयोजना गरिएको नेपाली कांग्रेससहितको पाँच दलीय गठबन्धनले आयोजना गरेको चुनावी सभालाई सम्बोधन गर्दे प्रधानमन्त्री देउवाले नेपालले अनुदान मात्र लिने बताउनु भयो ।
उहाँले भन्नुभयो ‘ऋण लिएर के गर्ने तीर्न सकिदैन , अमेरिकाले एमसीसी मार्फत अनुदान दिएको फेरी दिईसक्यो , जापान कोरियाले पनि अनुदान दिएको छ , अनुदान लिने हो बिकास गर्ने हो ।’
प्रधानमन्त्री देउवाले गठबन्धन राष्ट्रिय आवश्यकता भएको उल्लेख गर्दे सबिधान अनुसार कुनै पनि एकदलको बहुमत आउने अबस्था नरहेका कारण गठबन्धन जोगाउनु पर्ने बताउनु भयो ।
उहाँले पार्टीको महाधिवेशनबाट पनि गठबन्धन लाई अघि बढाउने निर्णय भएकाले यसको बिरोध गर्नुको कुनै अर्थ नरहेको बताउनु भयो ।
