काठमाडौँ । वर्षाका कारण नेपाल र जिम्बावे ‘ए’ बीचको दोस्रो टि–२० खेल रद्द भएको छ । त्रिवि क्रिकेट मैदानमा भएको खेलमा टस जितेर नेपालले फिल्डिङ रोजेको थियो ।
ब्याटिङका लागि मैदानमा उत्रिएको जिम्बावे ‘ए’ ४.३ ओभरमा २ विकेटको क्षतिमा ४८ रन बनाउँदा पानी पर्न थालेपछि केही बेर खेल रोकिएको थियो ।
त्यसपछि केही बेर पानी रोकिएपछि अम्पायरले २ ओभर घटाएर खेल खेलाउने निर्णय गरेका थिए । दिउँसो २ः२० मा खेल खेलाउन लाग्दा पुनः भीषण वर्षा भएपछि खेल स्थगित गर्नुपरेको हो ।
जिम्बावे ‘ए सँग तीन खेलको टि–२० सिरिज खेलिरहेको नेपालले तेस्रो खेल बुधबार खेल्नेछ । यसअघि पहिलो खेलमा नेपाल जिम्बावे ए सँग ६ विकेटले पराजित भएको थियो ।
