काठमाडौँ । नेपाली कांग्रेसले काठमाडौँ महानगरपालिकामा प्रमुख पदको उम्मेदवारमा सिर्जना सिंहलाई उठाउने निर्णय गरेको छ । सिंह कांग्रेस नेता प्रकाशमान सिंहकी पत्नी हुनुहुन्छ ।
कांग्रेस सभापति शेरबहादुर देउवाले सिर्जनालाई काठमाडौँ महानगर प्रमुखको उम्मेदवारका लागि टिकट प्रदान गर्नुभएको हो ।
सत्तारुढ गठबन्धनबीच महानगरपालिका तथा उपमहानगरपालिकामा तालमेल गरेर उम्मेदवारी दिने निर्णय गरेकाले काठमाडौँ महानगरमा उपप्रमुख पदमा नेकपा (एकीकृत समाजवादी) बाट राजेश्वर श्रेष्ठले उम्मेदवारी दिनुहुने छ ।
