काठमाडौँ । यही फागुन १६ गते नयाँ बानेश्वरस्थित संसद् भवनअगाडिको मूख्य सडकमा शङ्कास्पद वस्तु (प्रेसर कुकर बम) राख्ने एक व्यक्तिलाई प्रहरीले पक्राउ गरेको छ । महानगरीय अपराध महाशाखाको विशेष अनुसन्धान टोलीले उक्त घटनामा प्रयोग गरेको मोटरसाइकलसहित मङ्गलबार काभ्रे भुम्लो–२ सिमथली घर भई हाल काठमाडौँ चावहिल बस्ने २१ वर्षीय सुवास महतलाई काठमाडौँस्थित गौशालाबाट पक्राउ गरेको हो ।
निज महत अनेरास्ववियु क्रान्तिकारीका पशुपति बहुमुखी क्याम्पस कमिटी अध्यक्ष रहेको प्रहरीले जनाएको छ । महतमाथि आवश्यक अनुसन्धान भइरहेको प्रहरीले बताएको छ ।
