काठमाडौं । इंग्ल्यान्ड टेस्ट क्रिकेट टिमका कप्तान जो रुटले शुक्रबार पदबाट राजीनामा दिएका छन् । वेस्ट इन्डिजविरुद्धको शृंखला गुमाएपछि रुटले कप्तानीबाट हटेका हुन् ।
३१ वर्षीय रुट सन् २०१७ मा इंग्ल्यान्ड टेस्ट क्रिकेट टोलीको कप्तान नियुक्त भएका थिए । रुटको कप्तानीमा इंग्ल्यान्डले पाँच वर्षमा कीर्तिमानी धेरै टेस्ट खेल जितेको छ ।
इंग्ल्यान्डले वेस्ट इन्डिजविरुद्धको तेस्रो टेस्ट १० विकेटले हारेकोे थियो । पहिलो र दोस्रो टेस्ट बराबरीमा सकिएको थियो । इंग्ल्यान्ड पछिल्ला नौ खेलमा जितविहीन छ ।
रुटले कप्तान हुँदा पाँच हजार २९५ रन बनाएका छन् । त्यो कुनै पनि इंग्ल्याान्डका कप्तानले बनाएको भन्दा धेरै रन हो । त्यसक्रममा रुटको १४ शतक समावेश छ ।
रुटले ६४ टेस्ट क्रिकेटमा कप्तानी गरेका छन् । उनको कप्तानीमा इंग्ल्यान्डले २७ खेल जितेको थियो भने २६ खेल हारेको थियो ।
