काठमाडौंः कोरोनाभाइरस महामारीसँग सम्बन्धित प्रतिबन्धहरु फुकुवा भएसँगै नेपाल भ्रमण गर्ने पर्यटकको संख्या बढ्दै गएको छ ।
यसै क्रममा सगरमाथा आरोहणका लागि आवेदन गर्नेहरुको संख्यामा पनि उल्लेख्य वृद्धि भएको छ ।
पर्यटन विभागका अनुसार, आगामी सिजनका लागि सगरमाथा आरोहण गर्न हालसम्म २२५ जनाले अनुमति पाएका छन् । जसमा संयुक्त राज्य अमेरिकाबाट सबैभन्दा बढी ५३ जना छन् ।
विभागले सार्वजनिक गरेको पछिल्लो विवरणमा सगरमाथा आरोहणका लागि अनुमति पाएकाहरुमा ५० जना महिला र १७५ जना पुरुष छन् ।
