काठमाडौं । नेकपा एमाले अध्यक्ष तथा पूर्वप्रधानमन्त्री केपी शर्मा ओली सोमबार बझाङ पुगेका छन् । अध्यक्ष ओली नेकपा एमाले जिल्ला कमिटी बझाङले आयोजना गरेको जनसभा तथा पार्टी प्रवेश कार्यक्रमको सम्बोधन गर्न बझाङ गएका हुन् ।
बझाङको सदरमुकाम चैनपुरको नयाँ बसपार्कमा गरिएको विशाल जनसभामा बझाङका १२ ओटै स्थानीय तहबाट कार्याकर्ताको उल्लेखनीय सहभागिता रहेको थियो ।
सो कार्यक्रममा नेकपा एमालेबाट निवार्चित भएर नेकपा एकीकृत समाजवादी पार्टीमा सनाखत गरेका गाउँपालिकाका जनप्रतिनिधिसहित अन्य विभिन्न पार्टीमा रहेकाहरू एमाले प्रवेश गरेका छन् ।
