एजेन्सी । इंग्लिस प्रिमियर लिगको उपाधि यात्रामा रहेका म्यान्चेस्टर सिटी र लिभरपुलले बराबरी खेलेका छन् ।
शनिबार राति सिटी अफ म्यान्चेस्टर मैदानमा सम्पन्न खेलमा दुबै टिमले २–२ गोलको बराबरी खेल्दै अंक बाँडेका हुन् ।
‘द रेस अफ द टाइटल’को रुपमा रहेको खेलको अग्रता भने म्यान्चेस्टर सिटीले लिएको थियो । केभिन डि ब्रुएनाले गोल गर्दै सिटीलाई सुरुवाती अग्रता दिलनएका हुन् । १३ औं मिनेटमा डिओगो जोटाले गोल गर्दै लिभरपुललाई १–१ को बराबरी स्थितीमा ल्याए ।
३६ औं मिनेटमा गाब्रियल जिससले गोल गर्दै सिटीको अग्रता २–१ बनाए । तर, दोस्रो हाफको सुरुवाती मै अर्थात् ४६ औं मिनेटमा साडियो मानेले गोल गर्दै खेललाई २–२ को बराबरीमा ल्याए । त्यसपछि दुबै टिमले गोल गर्ने प्रयास गरेपनि थप गोल भने हुन सकेन ।
बराबरीसँगै शीर्ष स्थानमा रहेको सिटीको ३१ खेलबाट ७४ अंक छ भने समान खेल खेलेको लिभरपुल ७३ अंकसहित सिटीलाई पछ्याईरहेको छ । यस बराबरीसँगै प्रिमियर लिगको उपाधि होड थप रोमाञ्चक बन्न पुगेको छ ।
