काठमाडौं । नेकपा एमालेका अध्यक्ष केपी शर्मा ओलीले एमाले छाडेर जानेलाई बिग्रेका मान्छेको संज्ञा दिनुभएको छ ।
ललितपुरको गोदावरीमा जारी विधान महाधिवेशनमा प्रतिनिधिले उठाएको प्रश्नको जवाफ दिँदै यस्तो प्रतिक्रिया दिनुभएको हो ।
‘अब हामी धेरै अल्मलिनु हुँदैन । कहिले–कहिले सिद्धान्त र व्यवहारमा हामी अल्मलिन्छौं । बिरोधीले थप्पड हानिसक्छ गालामा, अनि हामी शास्त्र पल्टाउन थाल्छौं । शास्त्रले के भन्छ यो गालामा हान्ने विरोधी होकि होइन । यतिसारो शास्त्रवादी हुन जरुरी छैन ।’ उहाँले भन्नुभयो ‘जो तपाईसँग लडिरहेछ त्यो विरोधी हो । जो तपाईसँग काम गरिरहेछ त्यो मित्र हो । हाम्रो पार्टीका बिग्रेका मान्छे को हुन् ? जो छोडेर गए । जो यहाँ छन् सप्रेका हुन् भन्ने प्रमाण यो भन्दा बढी केही चाहिन्छ र ?’