काठमाडौँ । नेकपा एमालेका उपाध्यक्ष सुरेन्द्र पाण्डेले कानूनविपरीत काम गरेकाले अर्थमन्त्री जनार्दन शर्मा भाग्ने स्थिति आउन सक्ने बताएका छन् ।
सरकारले नेपाल राष्ट्र बैंकका गभर्नरलाई निलम्बन गरेपछि उत्पन्न अवस्था र मुलुकको बढ्थो आर्थिक सङ्कटबारे पार्टीको दृष्टिकोण सार्वजनिक गर्न नेकपा एमालेको प्रचार विभागले गरेको पत्रकार सम्मेलनमा उहाँले विदेशबाट आएको रकम खुलाउन राष्ट्र बैंकका गभर्नरलाई अर्थमन्त्रीले पत्र लेख्ने काम गैरकानूनी भएको बताउनुभयो ।
अहिले श्रीलङ्काका अर्थमन्त्री भाग्नुपर्ने स्थिति आएको भन्दै पूर्वअर्थमन्त्री पाण्डेले कानूनविपरीत गर्ने नेपालका अर्थमन्त्री पनि भाग्ने दिन आउनसक्ने बताउनुभयो ।
