भ्लाडिभोस्टक । रुसले आगामी अगस्ट २२ मा सुदूर पूर्वी क्षेत्र अमुरको भोस्टोचनी कोस्मोड्रोमबाट आफ्नो लुना–२५ चन्द्रमाको अनुसन्धान प्रक्षेपण गर्ने योजना बनाएको रुसको आरआईए नोवोस्ती समाचार एजेन्सीले जनाएको छ ।
“यो ४६ वर्षमा चन्द्रमामा रुसको पहिलो मिशन हुनेछ”, लुना–२५ बनाइएको अन्तरिक्षयान निर्माण कारखाना एनपीओ लाभोचकिनका विद्युतीय प्रणालीका लागि डिप्टी जनरल डिजाइनर अलेक्ज्याण्डर मिटकिनले भने।
अन्तिम चन्द्र अभियान लुना–२४, अगस्ट १९७६ मा पूर्व सोभियत सङ्घले गरेको थियो, जसले चन्द्रमाबाट फिर्ता ल्याइएको नमूनाहरूमा पानीको उपस्थिति प्रमाणित गर्यो।
नोवोस्तीका अनुसार लुना–२५ को मुख्य कार्यहरूमा चन्द्रमाको परिक्रमा क्षेत्रमा सफ्ट ल्यान्डिङ प्रविधिको परीक्षण गर्ने र चन्द्रमाको दक्षिणी ध्रुवको सम्पर्क अध्ययन गर्ने समावेश छ।
लुना–२५ ले रूसको चन्द्र कार्यक्रमको पुनः सक्रियताको प्रतीक हो । लुना–२५ पछि, नक्साङ्कनका लागि लुना–२६ मिसन २०२४ मा, लुना–२७ माटो अन्वेषणका लागि २०२५ मा, लुना–२८ चन्द्रमाको माटो सङ्कलन गर्न र २०२७–२०२८ मा रूसी अन्तरिक्ष यात्रीहरूका लागि अवतरण योजनामा काम गर्ने अपेक्षा गरिएको छ। सिन्ह्वा
