काठमाडौं । राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले पार्टीको विधानबमोजिम पदाधिकारी टिम निर्माण गर्नुभएको छ ।
पार्टीमा ६ जना उपाध्यक्ष र ४ जना महामन्त्री नियुक्त गरिएको हो ।
सो पार्टीद्वारा जारी विज्ञप्ति अनुसार राजीव पराजुली, उद्धव पौडेल, जयकुमार खड्का, राजेन्द्रवीर राय, विष्णु भण्डारी र लाक्पा तामाङ उपाध्यक्षमा मनोनित भएका छन् ।
यस्तै महामन्त्रीमा भाष्कर भद्रा, सुशील श्रेष्ठ, इन्द्र चित्रकार र राजाराम बर्तौलालाई मनोनित गरिएको छ ।
यस्तै, राप्रपा नेपालले हरिकृष्ण श्रेष्ठ, धरम गुरुङ, अम्बिकाप्रसाद ढकाल, शिवकुमार बास्तोला, ममता राई र शशिरञ्जन यादव गरी ६ जना सहायक महामन्त्री बनाएको छ ।
