काठमाडौँ। गत असोज १५ गते धवलागिरिको सफल आरोहण गरेकी पूर्णिका श्रेष्ठले विश्वको तेस्रो अग्लो तथा ८,५८६ मिटर अग्लो कञ्चनजङ्घा हिमालको आरोहण गर्न त्यसतर्फ प्रस्थान गरेकी छन् ।
फोटो पत्रकारसमेत रहेकी उनले यही वसन्त ऋतुमा कञ्चनजङ्घा हिमाल आरोहण गर्ने बताएकी थिइन्। उनले पैदलमार्ग भएर कञ्चनजङ्घा आरोहण गर्ने जानकारी दिएकी थिइन् ।
विश्वको सातौँ अग्लो हिमाल धवलागिरिको सफल आरोहण गर्ने उनी तेस्रो नेपाली महिला हुन् । आठ हजार १६७ मिटर अग्लो धवलागिरि यसअघि पासाङ ल्हामु शेर्पाले आरोहण गरेकी थिइन् भने अकिताले पूर्णिमासँगै आरोहण गरेकी थिइन् ।
उनले विश्वको तेस्रो अग्लो हिमाल कञ्चनजङ्घा आरोहण गर्ने आफ्नो सपना पूरा गर्न लागेको बताइन् । यसअघि उनले सन् २०१८ मा सगरमाथा, २०१७ मा मनास्लु र २०१९ मा अमादब्लम हिमाल, २०२१ मा धवलागिरि र अन्नपूर्णसमेत आरोहण गरेकी थिइन् ।
