काठमाडौं । बाँसबारी क्लबलाई सिद्धार्थ बैंकले सह–प्रायोजन गर्ने भएको छ । हाल सहिद स्मारक बि डिभिजन लिगमा प्रतिस्प्रर्धा गरिरहेको बाँसबारी क्लबसंग बैकले एक बर्षको लागि सह-प्रायोजन सम्झौता गरेका हो ।
बैकले चार लाख रुपैयाँको प्रायोजन सम्झौतामा क्लबका अध्यक्ष प्रेम थापा र सिद्धार्थ बैंकका सहायक महाप्रबन्धक (एजीएम) प्रदीप पन्तले हस्ताक्षर गर्नुभएको छ ।
बाँसबारीको मुख्य प्रायोजकको रुपमा अराउन्ड द हिमालयज प्रालि रहेको छ । अराउन्ड द हिमालयजले क्बललाई १० लाख रुपियाको प्रायोजन सम्झौता गत फागुनमा गरेको थियो ।
यसै गरी क्लबको सह–प्रायोजक चोयु ट्रेकिङ प्रा.लि. हेल्थ पार्टनर वेलनेस हस्पिटल, मार्केटिङ पार्टनर काया स्पोर्ट्स एन्ड सप्लायर्स र किट्स पार्टनर कामरु ट्रेडिङ प्रा.लि. रहेका छन् ।
