एजेन्सी
वासिङ्टन । अमेरिकाले गत महिना गोप्यरूपमा आफ्नो अत्याधुनिक हाइपरसोनिक क्रुज मिसाइलको सफल परीक्षण गरेको छ।
यो मिसाइल प्रसिद्ध अमेरिकी कम्पनी लकहिड मार्टिनले तयार गरेको हो । यस मिसाइललाई हाइपरसोनिक एयर–ब्रेथिङ वेपन कन्सेप्ट नाम दिइएको छ।
अमेरिकासँग अहिलेसम्म हाइपरसोनिक मिसाइलहरू छैनन्, जबकि रुस र चीनले परमाणु वारहेडहरू खसाल्न सक्षम हाइपरसोनिक मिसाइलहरू निरन्तर बनाइरहेका छन्।
अमेरिकी मिसाइलको परमाणु बमवर्षक बी५२एच को सहयोगमा देशको पश्चिमी तटमा परीक्षण गरिएको छ। युक्रेनलाई लिएर रुससँग जारी तनावलाई ध्यानमा राख्दै अमेरिकाले यो परीक्षणलाई अहिलेसम्म गोप्य राखेको थियो ।
अमेरिकी हाइपरसोनिक मिसाइलको परीक्षण सफल भएको यो पहिलो पटक हो, अन्यथा अहिलेसम्म गरिएका धेरै परीक्षणहरू असफल साबित भएका छन् ।
परीक्षणका क्रममा क्रुज मिसाइलले म्याच ५ भन्दा बढी गति हासिल गर्यो । यो हाइपरसोनिक मिसाइलको सबैभन्दा ठूलो विशेषता हो ।
परीक्षणमा मिसाइल ६५ हजार फिटभन्दा बढी उचाइमा गएको थियो । यसअघि अमेरिकी वायुसेनाले गति बढाउन यो मिसाइलमा रकेट बुस्टर प्रयोग गरिने बताएको थियो ।
यसपछि क्रुज मिसाइलको गति म्याच ५ देखि म्याच १० हुनेछ । यस पछिल्लो परीक्षणमा मिसाइल ६५ हजार फिटभन्दा बढी उचाइमा पुगेको थियो ।
यस क्रममा क्षेप्यास्त्रले ५०० किलोमिटरभन्दा बढी बाटो कभर गरेको थियो । यो मिसाइल जमिनमा आक्रमण गर्न डिजाइन गरिएको हो। यद्यपि यसलाई नौसेनाका लागि पनि बनाउने तयारी भइरहेको छ ।
हाइपरसोनिक मिसाइलको दौडमा नराम्ररी पछि परेको अमेरिकाले अहिले रुस र चीनसँग प्रतिस्पर्धा गर्न अर्बौं रुपैयाँ खर्च गरिरहेको छ ।
यति मात्र होइन अहिले अमेरिकाले अष्ट्रेलिया र बेलायतसँग सम्झौता गरेको छ । यसअघि रुससँगको तनावलाई मध्यनजर गर्दै अमेरिकाले दोस्रो पटक आफ्नो अन्तरमहादेशीय क्षेप्यास्त्र परीक्षण स्थगित गरेको थियो ।
यसले रुससँगको सम्बन्ध बिग्रन सक्छ वा गल्तीले यसलाई सम्भावित आक्रमणको रूपमा लिन सक्छ भन्ने अमेरिकालाई डर थियो। एजेन्सी
