काठमाडौं । माल्दिभ्समा जारी साफ च्याम्पियनसिप अन्तर्गत बंगलादेश र भारतले बराबरी खेलेका छन् ।
सोमबार साँझ भएको खेलमा दुबै टिमले १-१ गोलको बराबरी खेल्दै अंक बाँडेका हुन् । खेलको २६ औं मिनेटमा भारतले सुनील क्षेत्रीको गोलबाट सुरुवाती अग्रता बनाएको थियो ।
७४ औं मिनेटमा यीसिन अरफतले गोल गर्दै बंगलादेशलाई बराबरीमा ल्याए । त्यसपछि दुबै टिमबाट थप गोल हुन नसक्दा खेल बराबरीमा सकिएको हो ।
खेलको ५४ औं मिनेटमा विश्वनाथ घोषले रातो कार्ड खाँदै मैदानबाट बाहिरिएपछि बंगलादेश १० खेलाडीमा समेटिएको थियो ।
यस्तै आज राति नेपालले श्रीलंकासँग प्रतिस्पर्धा गर्दैछ । उक्त खेल ९ः४५ बजे सुरु हुनेछ ।
