एजेन्सी । स्पेनिस फुटबल लिग ला लिगा अन्तर्गत बार्सिलोनाले कठिन जित निकालेको छ ।
आइतबार राति भएको खेलमा बार्सिलोनाले सेभियालाई १–० गोलले पराजित गरेको हो ।
घरेलु मैदानमा बार्सिलोनालाई जित दिलाउन एकमात्र निर्णायक गोल खेलको ७२ औं मिनेटमा पेड्रीले गरे ।
जितसँगै बार्सिलोना तालिकाको दोस्रो स्थानमा उक्लिएको छ । उसले २९ खेलबाट ५७ अंक जोडेको छ । यस्तै, सेभिया ३० खेलबाट ५७ अंकसहित तालिकाको चौंथो स्थानमा रहेको छ ।
