काठमाडौं । प्रतिनिधिसभाको बैठक असोज २२ गते शुक्रबार बस्नेगरी स्थगित भएको छ । सभामुख अग्नी सापकोटाले बैठक सुरु गरेलगत्तै प्रमुख विपक्षी दल एमालेका सांसदहरुले बैठकमा अवरोध गर्दै नाराबाजी गरेका थिए ।
अवरोधकाबीच सभामुख सापकोटाले प्रधानमन्त्री शेरबहादुर देउवाको तर्फबाट कानुनमन्त्री ज्ञानेन्द्रबहादुर कार्कीलाई राष्ट्रिय दलित आयोगको प्रतिवेदन २०७६/७७ प्रस्तुत गर्न समय दिएका थिए ।
त्यसपछि मन्त्री कार्कीले प्रतिवेदन पेश गरेसँगै बैठक २२ गते बस्नेगरी स्थगित भएको जानकारी गराउँदै सभामुखले बैठक सकाए ।