काठमाडौँ । नेपाली राष्ट्रिय क्रिकेट टिमका बलर कमल सिंह ऐरीको आइतबार बिहान सल्यक्रिया भएको छ ।
त्रिकोणात्मक टी–ट्वान्टी सिरिज अन्तर्गत शनिबार भएको मलेसियाविरुद्धको खेलका क्रममा उनले चोट बोकेका थिए ।
कमललाई घाटीमुनी चोट लाग्दा क्लाभिकुलार भाच्चिएको थियो । उनको नेपाल नेशनल अस्पताल कलंकीमा आईतबार सफलतापूर्वक सल्यक्रिया गरिएको हो । डाक्टर निरज केसी र निराजन सुवेदीको टिमले उनको सल्यक्रिया गरेको नेपाल क्रिकेट संघ (क्यान) ले जनाएको छ ।
चिकित्सकका अनुसार उनको भाचिएको हड्डी ठीक हुन कम्तिमा ६ हप्ता लाग्ने बताएका छन् । जसअनुसार ऐरी करिब ६ साता मैदानबाट बाहिर रहने भएका छन् ।
टिमका फिजियो र प्रशिक्षक पुवुदु दासानायकेले डाक्टरसँग आवश्यक सल्लाह गरेका थिए । कमललाई अहिले निगरानीमा राखिएको छ ।
लिगको अन्तिम खेलमा नेपालले मलेसियामाथि ८५ रनको जित निकालेको थियो । उक्त जितसँगै नेपालले सतप्रतिशत जितसहित शृंखलाको फाइलनमा पुगेको हो । फाइनल खेल सोमबार हुनेछ । उपाधिका लागि नेपालले पपुवा न्युगिनी (पीएनजी)सँग प्रतिस्पर्धा गर्दैछ ।
