एजेन्सी । इंग्लिस प्रिमियर लिग फुटबलमा लिभरपुलले वाटफोर्डलाई पराजित गरेको छ । शनिबार राति भएको खेलमा लिभरपुलले वाटफोर्डलाई २–० गोलले पराजित गरेको हो ।
लिभरपुललाई जित दिलाउन खेलको २२ औं मिनेटमा डिओगो जोटाले तथा ८९ औं मिनेटमा पेनाल्टीमार्फत फाविन्होले गोल गरे ।
जितसँगै लिभरपुल ३० खेलमा ७२ अंकसहित दोस्रो स्थानमा रहेको छ । समान खेलबाट २२ अंकसहित वाटफोर्ड १८ औं स्थानमा रहेको छ ।
यस्तै, शनिबार राति नै भएको अर्को खेलमा म्यान्चेस्टर सिटीले बर्नलेविरुद्ध २–० गोलको जित निकालेको छ ।
सिटीलाई जित दिलाउन पाँचौं मिनेटमा केभिन डि ब्रुएनाले तथा २५ औं मिनेटमा इल्काए गुन्डोवानले गोल गरे । जितसँगै सिटी ७३ अंकसहित शीर्ष स्थानमा रहेको छ । पराजित बर्नले २८ खेलबाट २१ अंकसहित १९ आंैं स्थानमा छ ।
