एजेन्सी । आईपीएलको नवौं खेलमा मुम्बई इन्डियन्स र राजस्थान रोयल्स भिड्दैछन् । यो खेल मुम्बईको डीवाई पाटिल स्टेडियममा हुनेछ । खेल ३ः४५ बजे सुरु हुँदैछ । मुम्बईले टस जितेर फिल्डिङ रोजेको छ । यस सिजनमा मुम्बई र राजस्थान दुवै टोलीले एक–एक खेल खेलेका छन् ।
पहिलो खेलमा मुम्बईले हार बेहोरेको थियो भने राजस्थानले हैदरावादविरुद्ध ठूलो जित दर्ता गरेको थियो । राजस्थान यस सिजन पहिले ब्याटिङ गर्दै जित्ने पहिलो टोली बन्यो । बाँकी सबै खेलहरू पछि ब्याटिङ गर्ने टोलीले जितेका छन् ।
धेरै जसो खेलमा टसले महत्त्वपूर्ण भूमिका खेल्छ भने बलिङ गर्ने टोली समस्यामा पर्छ । यो खेलमा पनि त्यस्तै हुने सम्भावना छ । मुम्बई र राजस्थान दुवै टोलीका कप्तान टस जितेर पहिले बलिङ गर्न चाहन्छन् । यद्यपि, राजस्थानको टोली निकै बलियो छ भने पहिले ब्याटिङ गरे पनि खेल जित्ने सम्भावना उसले कायम राख्छ ।
मुम्बई र राजस्थानबीचको खेलमा मौसम सफा रहने बताइएको छ । दिनको तापक्रम ३४ डिग्री सेल्सियसको हाराहारीमा रहनेछ, जुन रातमा २५ डिग्री सेल्सियससम्म जान सक्छ । आकाश सफा रहने र पानी पर्ने सम्भावना १० प्रतिशत रहेको छ । हावामा आर्द्रता ५५ प्रतिशतको हाराहारीमा रहनेछ । हावाको गति २१ किलोमिटर प्रतिघण्टा रहनेछ । रातिको समयमा शीत पर्ने हुँदा बलिङ र फिल्डिङमा पछि समस्या आउनेछ ।
डीवाई पाटिल स्टेडियमको पिचले बलर र ब्याट्सम्यान दुवैलाई मद्दत गर्छ । यहाँ पछिल्लो ६ खेलमा पहिलो इनिङ्सको औसत स्कोर १६८ रन रहेको छ । योसँगै यस मैदानमा पहिले ब्याटिङ गर्ने टोलीले १७ प्रतिशत मात्रै खेल जितेको छ । टस जित्ने टोलीले पहिले बलिङ रोज्छन् । यस मैदानमा फास्ट बलरहरू बढी सफल भएका छन् ।
बैंगलोर र पञ्जाबबीचको खेलमा यहाँ ४० ओभरमा ४ सयभन्दा बढी रन बनेको थियो । दुवै टोलीले दुई सयभन्दा बढी रन बनाएका थिए । यस्तो अवस्थामा यो खेलमा पनि ठूलो स्कोर हुन सक्ने अनुमान गरिन्छ ।
