काठमाडौं । त्रिकोणात्मक टी–ट्वान्टी अन्तर्राष्ट्रिय सिरिज अन्तर्गत आज शनिबार नेपालले मलेसियासँग प्रतिस्पर्धा गर्दैछ ।
त्रिवि क्रिकेट मैदानमा नेपाल र मलेसियाबीचको खेल १२ः३० बजे सुरु हुनेछ । मलेसियालाई हराएर नेपाल लगातार चौंथो जित निकाल्ने योजनासहित अपराजित रहदै फाइनल पुग्न चाहन्छ ।
३ खेलमा ६ अंक जोड्दै शीर्ष स्थानमा रहेको नेपाल यसअघि नै फाइनल पुगिसकेको छ । अर्कोतर्फ, मलेसिया पनि नेपाललाई हराएर फाइनल पुग्न चाहन्छ । ३ खेलमा २ अंक जोडेर तेस्रो स्थानमा रहेको मलेसियालाई नेपालविरुद्धको खेल गर या मरको स्थितिमा रहेको छ । किनभने नेपाललाई पराजित गरेको खण्डमा मलेसिया फाइनल पुग्नेछ भने हार ब्यहोरेमा मलेसिया बाहिरिनेछ ।
सिरिज अन्तर्गत नै नेपालले यसअघिको पहिलो भेटमा मलेसियालाई ६ विकेटले पराजित गरेको थियो ।
