जनकपुरधाम । प्रदेश २ का मुख्यमन्त्री लालबाबु राउतले भोलि (बुधबार) विश्वासको मत लिने भएका छन् ।
संवैधानिक प्रवधानअनुसार सत्तारुढ दल जनता समाजवादी पार्टी (जसपा) विभाजन भएपछि मुख्यमन्त्री राउतले विश्वासको मत लिन लागेका हुन् ।
मुख्यमन्त्री राउतले विश्वासको मत लिन एक सातअघि नै प्रदेशसभा सचिवालयलाई परिपत्र गरिसकेका छन् ।
संविधानको धारा १८८ को उपधारा २ अनुसार मुख्यमन्त्रीले प्रतिनिधित्व गर्ने दल विभाजित भएमा वा सत्ता साझेदार दल विभाजन तथा आफ्नो समर्थन फिर्ता लिएमा ३० दिनभित्र मुख्यमन्त्रीले विश्वासको मत लिनुपर्ने प्रवधान छ ।
अहिले प्रदेश २ मा जसपा, कांग्रेस र नेकपा माओवादी केन्द्र गठबन्धनको सरकार छ भने नेकपा एकीकृत समाजवादीले समेत मुख्यमन्त्री राउतलाई नै समर्थन गर्ने जनाइसकेको छ ।
