काठमाडौ ।सभामुख अग्नि सापकोटाले चाड पर्वहरुले पारिवारिक अन्तरघुलन, सामाजिक सद्भाव एवं एकता कायम राख्न योगदान पुग्ने बताउनु भएको छ ।
हिमाली आदिवासी शेर्पा समुदायको नयाँ बर्ष २१४९ औं ग्याल्पो ल्होसारको अवसरमा शुभकामना सन्देश जारी गर्दे सभामुख सापकोटाले हामीले मनाउने मौलिक चाड पर्वहरुले हाम्रा विविधतालाई जीवित बनाइराख्न मद्दत पुग्ने विश्वास लिएको जनाउनु भएको छ ।
उहाँले ग्याल्पो ल्होसारले हामीबीच निकटता, सम्मान भाव एवं मजबुत राष्ट्रिय एकताका लागि प्रेरणा मिलोस् भन्ने कामना समेत गर्नुभएको छ ।
