१७ आश्विन २०८१, बिहीबार
,
Latest
बंगलादेशमा उसुलाई ४ स्वर्णसहित १० पदक विपद्पीडितको गुनासो–सोधेर जान्छन् तर कोही राहत लिएर आउँदैनन् मैनालीलाई मदन पुरस्कार, जगदम्बाश्री पुरस्कार यादवलाई पूर्वराष्ट्रपति भण्डारीद्वारा ‘म पानी हुँ’ गीतको लोकार्पण एसियाको भविष्यका लागि सहकार्य र एकता आवश्यक छः परराष्ट्रमन्त्री राणा एशिया रग्बी सेभेन्स ट्रफीमा सुखद् प्रदर्शन गर्ने नेपालको लक्ष्य के एआईले कुनै दिन नोबेल पुरस्कार जित्नेछ ? हेटौँडा–काठमाडौँ जोड्ने खण्डअन्तर्गतका अवरुद्ध सडक सञ्चालन गर्न पहिरो पन्छाइँदै बङ्गलादेशसँग बिजुली निर्यात सम्बन्धी सम्झौतामा हस्ताक्षर एसएस फाउण्डेशनद्वारा चणिकलाल तामाङलाई सम्मान
तपाईं के खोज्दै हुनुहुन्छ ?

डोटीमा फोन र विद्युत् सेवा अवरुद्ध



अ+ अ-

डोटी । दुई दिनदेखिको लगातारको वर्षातका कारण जिल्लामा फोन तथा विद्युत् सेवा अवरुद्ध भएको छ । जिल्लामा वितरण गरिएको ३३ केभिए प्रसारण लाइनमा रूख परेका कारण यहाँको विद्युत् सेवा अवरुद्ध भएको डोटी साना जलविद्युत् कार्यालय दिपायलले जनाएको छ । 

विद्युत् सेवा अवरुद्ध भएसँगै सञ्चारका साधन पनि अवरुद्ध भएका छन् । एनसेल सिमकार्ड भने सञ्चालनमा छ । विद्युत् नभएका कारण नेपाल टेलिकमका ल्यान्डलाइन तथा एफटिटिएच ९नेट० सेवा पनि पूर्ण रुपमा अवरुद्ध भएको जिल्ला प्रहरी कार्यालयको सञ्चार शाखाले जनाएको छ । 

विद्युत्सहित नेट सेवा दुई दिनदेखि पूर्ण रुपमा अवरुद्ध भएपछि यहाँका सञ्चारकर्मीले आफ्ना सञ्चार माध्यममा समाचार सम्प्रेषण गर्न पाएका छैनन् भने जिल्लामा रहेका चारवटा एफएम रेडियोहरु पनि बन्द भएका घण्टेश्वर एफएम बुडरका स्टेसन मेनेजर शिव ओलीले बताउनुभयो । उहाँले भन्नुभयो, “फोन, नेट र विद्युत् सेवा नहुँदा कतिपय रेडियो बन्द भएका छन्, केहीले जेनेटर बालेर खाली बाढी पहिराबाट जोगिन सूचना प्रसारण गरिरहेका छन् ।”

जिल्ला नै सञ्चार सम्पर्कविहीन भएका कारण कुन ठाउँमा के कति क्षति भयो त्यसका बारेमा जानकारी लिन निकै समस्या भएको प्रमुख जिल्ला अधिकारी शङ्करबहादुर विष्टले जानकारीदिनुभयो । उहाँले भन्नुभयो, “विद्युत्, टेलिफोन सेवा अवरुद्ध छ, धन्न एनसेलको सिमले काम गरेकाले सम्पर्क गर्न सकेका छौँ, क्षतिको विषयमा जानकारी लिनै पाइएको छैन ।” तीन दिनदेखिको भारी बर्सातका कारण यहाँका विभिन्न ठाउँमा पहिरा गएको खबर आएको जिल्ला प्रहरी कार्यालयका सहप्रवक्ता तथा प्रहरी निरीक्षक रवीन्द्र चन्दले बताउनुभयो । उहाँका अनुसार वर्सातसँगैको पहिराले यहाँको गैरा, रातुली, पाकरी, जोरायल, बडिकेदार, केआईसिंह लगायतका क्षेत्रमा खेतबारी तथा घरमा सामान्य क्षति भएको छ ।

जिल्लामा ठूलो बर्सात भएका कारण यहाँका नदीहरुमा पनि पानीको बहाव बढेकाले नदी तथा तटीय क्षेत्रमा बसोबास गर्ने नागरिकलाई सचेत राख्न तथा विपद् आइपरे उद्धारका लागि नेपाली सेना, नेपाल प्रहरी तथा सशस्त्र प्रहरीको टोलीलाई तयारी अवस्थामा राखिएको जिल्ला प्रशासन कार्यालयले जनाएको छ । बर्सातका कारण यहाँका किसानले काटेका धान पनि बाढीले बगाएको छ भने केही क्षेत्रका खेतमा पानीले पूरै धान डुबाएको छ । हालसम्म बाढी तथा पहिराले मानवीय क्षति भने नगरेको जिल्ला विपद् व्यवस्थापन समितिले जनाएको छ ।