विराटनगर । सुनसरीको धरानमा पहिरोमा पुरिएर दुई बालबालिकाले ज्यान गुमाएका छन् ।
अविरल वर्षासँगै खसेको पहिरोले पुरिँदा धरान उपमहानगरपालिका– १३ नागेश्वर मार्ग बस्ने निसान राईकी ८ वर्षीया छोरी निसु र ४ वर्षीय छोरा निहान राईको मृत्यु भएको हो ।
मंगलबार दिउँसो पौने २ बजे पहिरो खस्दा टिनको घर पुरिएको थियो । पहिरोमा दुई जना बालबालिका बेपत्ता भएका थिए ।
उद्धारमा खटिएको प्रहरी टोलीले दिउँसो दुवै जना बालबालिकालाई मृत अवस्थामा फेला पारेको हो ।
