काठमाडौँ । केपी ओली सरकारको पालमा नियु्क्त भएका विभिन्न देशका राजदुतहरु कोही स्वदेश फर्किसकेका छन् भने कोही फर्कन सुटकेस ठिक्क पारेर उडानको समय कुरेर बसेका छन् । यस्तै मध्येका एक उत्तरी छिमेकी मुलुक चीनका राजदुत महेन्द्र बहादुर पाण्डे पनि नियमित उडान नभए कारण स्वदेश फर्कन पाउनु भएको छैन । २ तारिख तीर चिनिया सेनाले नेपाली सेनालाई उपहार स्वरुप दिएको खोप सहित पाण्डे सोही उडानबाट नेपाल आउने तयारीमा रहनु भएको छ ।
पाण्डे फर्कदै गर्दा बेईजिङ स्थित दुताबास भने दुई शाखा अधिकृत र एक नायब सुब्बाको भरमा रहने छ । पराराष्ट्र मन्त्रालयका एक अधिकारीले न्युजपोलारसंग भने चीन कर्मचारीको रोजाईको देश होईन, एक त भाषाको समस्या, दोश्रो केटाकटीको विद्यालयको पनि त्यसैले अग्रेजी बोलीचाली हुने मुलुकमै जान चाहान्छन् । बेईजिङ पठाउने भनेको छ आरक्षणको कोटा र डम्प गर्न जस्तै हो ।
ती अधिकारीले भने यस अघि उपसचिव रहनु भएका शुसील लम्साल देखी अहिले बाकी रहेको प्रशासन तर्फका कर्मचारीको कुनै न कुनै रुपमा त्यस्तै देखिन्छ । उनले भने, चीनको दुतावास सरकारको खासै प्राथामितामा परेको जस्तो पनि लाग्दैन । किनकी शुसील लम्सालको कार्यकाल सकेर फकिैपछि कुनै सहसचिव पठाएनन् अर्को उपसचिव पनि परिक्षाका लानि नेपाल आएपछि यतै परिक्षाको कारण देखाउदै बस्नु भयो ।
चीन जस्तो मुलुकले हाम्रो दुताबासको अवस्थाा र सरकारले देखाएको व्यवहार बारे कस्तो दृष्टिकोण बनाउला । कुनै बेला बिना अर्थ सहसचिव सरहको राजदुतलाई मन्त्री सरहको मान्यता दिएर हास्यास्पद निर्णय गरेको सरकारले त्यसपछि भने वास्ता नै गर्दैन । नत्र चीनको राजदुतावासको किन बिजोग बनाउथो र । ती अधिकारीका अनुसार कोरानाका कारण चीन सरकारले नेपालसंग सिधा उडान तत्काल खोल्ने सम्भावना छैन । जसका कारण उच्च तहको कर्मचारीको पोष्टिङ हुने अबस्था देखिदैन भने अन्योलपूर्ण राजनीति भएको बोल नया राजदुतको नियुक्त हुने समय पनि टुङ्गो छैन ।
सामान्य अबस्थामा पनि राजदुत सिफरिस भएर उताबाट एग्रीमो आउन दुई देखी तीन महिना लाग्ने अबस्था यस पटक त्यो अबधी ६ महिना भन्दा बढी नलाग्ला भन्न सकिन्न । त्यतीबेला सम्म दुतवास लगभग नेतृत्व बिहिन हुन्छ । त्यसमा पनि बेईजिङ्ग ओलम्पिकमा चीनले बिभिन्न देशका सरकार प्रमुखहरुलाई आमन्त्रण गर्ने तयारी गरेका छ ।
रसियन राष्ट्रपति देखी विभिन्न मुलुकका राष्ट्रपतिहरु आउन सक्ने सम्भावना रहको चीन निकट एक कुटनीतिज्ञले अनुमान गरे । उनले भने यदि नेपालको राष्ट्रपतिलाई नै आमन्त्रण गरे हाम्रो दुतावासले कस्तो तयारी गर्ला । तयारी राम्रोसंग नभएर भ्रमण नभए त्यसले आगमाी दिनमा कुटनीतिमा कस्तो असर पर्ला कसैले सोचेको देखिएन ।
