टोकियोः केही महिनादेखि निरन्तर उकालो लागेको कच्चा तेलको मूल्य बुधबार १ प्रतिशतले घटेको छ ।
अमेरिकामा कच्चा तेलको भण्डारण सोचेभन्दा बढी भएपछि तेलको मूल्यमा कमी आएको हो । गएको हप्ता तेलको मूल्य सात वर्ष यताकै सबैभन्दा बढी भएको थियो ।
ब्रेन्ट कच्चा तेलको मूल्य मंगलबारको तुलनामा १.१ प्रतिशत अर्थात् ९४ सेन्टले कमी आएको थियो । मूल्यमा गिरावट आएसँगै अन्तर्राष्ट्रिय बजारमा ब्रेन्ट कच्चा तेलको मूल्य प्रति ब्यारेल ८५.४६ कायम भएको थियो ।
वेस्ट टेक्सास इन्टरमेडिएट (डब्लुटिआई) को मूल्य पनि १.२ प्रतिशत अर्थात १.०२ अमेरिकी डलरले घटेर ८३.६३ डलर भएको थियो ।
विश्वमै सर्बाधिक तेल खपत गर्ने संयुक्तराज्य अमेरिका समेतका मुलुकमा गतसाता कच्चा तेलको २३ लाख ब्यारेल भण्डार भएको अमेरिकन पेट्रोलियम इन्स्टिच्यूटले जनाएको छ ।
ब्रेन्टको कच्चा तेलको मूल्यमा लगातार आठ हप्तादेखि बढोत्तरी भइरहेको छ भने डब्लुटिआईको मूल्य पनि १० हप्तादेखि बढ्दोक्रममा छ ।
कोरोनाभाइरस महामारीका कारण तेलको उत्पादन र बिक्रीमा कमी आएसँगै मूल्यमा पनि भारी गिरावट आएको थियो । तर कोभिड खोप र नियन्त्रणका उपायहरुका कारण कोभिडको संक्रमण व्यापक रुपमा घटेपछि तेलको माग र मूल्य दुबै बढेका छन् । एपी
