काठमाडौं । प्रधानन्यायाधीश चोलेन्द्रशमशेर जबराले आफूले मुद्दा हेर्न नछाड्ने प्रस्ट पार्नुभएको छ ।
बुधबार पाँचवटा मुद्दाको सुनुवाइको क्रममा उहाँले इजलासबाट उठ्दै भन्नुभयो, ‘मुद्दा हेर्न छाड्दिनँ, मेरा कुरा भोलि राखौँला ।’
बुधबार प्रधानन्यायाधीश जबराले पाँचवटा मुद्दाको सुनुवाइ गरी आदेश समेत दिनुभएको छ । उहाँले भोलि बिहीबार पनि निरन्तर मुद्दाको सुनुवाइ हुने जानकारी दिँदै सर्वोच्च अदालतका पूर्वन्यायाधीश शारदाप्रसाद पण्डितको निधनका कारण शोकमा रहेकाले अहिले देखिएका विवाद र प्रश्नबारे केही नबोल्ने बताउनुभयो ।