काठमाडौंः आइसीसी टी–ट्वान्टी विश्वकप क्रिकेट अन्तर्गत शुक्रबार भएको पहिलो खेलमा वेष्ट इन्डिजले बंगलादेशलाई तीन रनले पराजित गरेको छ ।
जितका लागि वेस्ट इन्डिजले १४३ रनको लक्ष्य दिए पनि बंगलादेशले २० ओभरमा १३९ रन मात्र बनाएको थियो । बंगलादेशले राम्रो खेलिरहे पनि अन्तिम समयमा आवश्यक रन बनाउन चुकेको थियो ।
बंगलादेशका लागि लिटोन दासले सर्वाधिक ४० तथा कप्तान महमुदुल्लाहले नटआउट ३१ रन बनाएका थिए ।
यसअघि पहिले ब्याटिङ गरेको वेष्ट इन्डिजले २० ओभमा ७ विकेटको क्षतिमा १४२ रन बनाएको थियो । वेष्ट इन्डिजका निकोलास पुरनले २२ बलमा ४० रनको योगदान दिए । उनले १ चौका र ४ छक्का प्रहार गरे ।
रोस्टन चेजले ४६ बलमा ३९ रन जोडे भने जेसन होल्डरले ५ बलमा १५ रन जोडे ।
यस्तै कायरन पोलार्ड १८ बलमा १४ रन बनाउँदै पेभिलियन फर्किए भने एन्ड्रे रसेल शून्य रनमा आउट हुन पुगे । बंगलादेशका महेदी हसन, मुस्ताफिजुर रहमान र सोरीफुल इस्लामले २–२ विकेट लिए ।
यो जितसँगै वेस्ट इन्डिजले पहिलो जित निकाल्दै २ अंक जोडेको छ भने तीन खेल खेलेको बंगलादेशले कुनै पनि खेल जित्न सकेको छैनन् । एजेन्सी
समूह क | खेल | अंक | समूह ख | खेल. | अंक. |
इङल्यान्ड | २ | ४ | अफगानिस्तान | १ | २ |
अस्ट्रेलिया | २ | ४ | पाकिस्तान | २ | ४ |
दक्षिण अफ्रिका | २ | २ | भारत | १ | ० |
वेस्ट इन्डिज | ३ | २ | न्यूजील्यान्ड | १ | ० |
श्रीलंका | २ | २ | स्कटल्यान्ड | २ | ० |
बंगलादेश | ३ | ० | नामिबिया | १ | २ |