काठमाडौं । युवा प्रतिभावान खेलाडी भिनिसियस जुनियरको दुई गोल मद्दतमा एल्चेलाई पराजित गर्दै रियल म्याड्रिड स्पेनिस ला लिगाको शीर्ष स्थानमा उक्लिएको छ ।
शनिबार राति भएको खेलमा रियलले १० खेलाडीमा सिमित एल्चेलाई उसैको मैदानमा २ १ ले पराजित गरेको हो ।
भिनिसियसले खेलको २२औं मिनेटमा गोल गर्दै रियललाई अग्रता दिलाएका थिए भने ७३औं मिनेटमा दोस्रो गोल गरेका थिए । एल्चेका राउल गुटीले ६४औं मिनेटमा रातो कार्ड पाएपछि एल्चे १० खेलाडीमा सीमित भएको थियो ।
निकै दबाबमा खेलेको एल्चेका लागि ८६औं मिनेटमा पेरे मिल्लाले एक गोल फर्काएका थिए ।
यो जितसँगै रियल म्याड्रिडले ११ खेलबाट २४ अंक जोडेको छ । समान अंक भए पनि रियलले सोसिडाड भन्दा रियाल म्याड्रिडको गोलअन्तर बढी छ । एल्चे भने १२ खेलबाट १० अंकसहित १५औं स्थानमा रहेको छ ।
