एजेन्सी । भ्लादिमिर पुटिनले युक्रेनविरुद्ध युद्ध गरेपछि रुसमा कडा प्रतिरोधको सामना गर्नु परेको छ ।
धेरै बालबालिकाले पुटिनको विरोध पनि गरिरहेका छन् । यस्तो अवस्थामा नयाँ पुस्तालाई विश्वास दिलाउन र यो युद्धको औचित्य पुष्टि गर्न पुटिनले विद्यालयमा राष्ट्रव्यापी कार्यक्रम सुरु गरेका छन् ।
अमेरिकी सञ्चारमाध्यमले गुप्तचर एजेन्सीका पूर्व अधिकारी रेबिका कोफ्लरलाई उद्धृत गर्दै रुसी विद्यालयमा युक्रेनविरुद्धको लडाइलाई मुक्ति अभियानको रूपमा वर्णन गरिएको बताएको छ ।
यहाँ बालबालिकाहरूलाई युक्रेनमा रूसको आक्रमण डोनबासका जनतालाई नरसंहारबाट बचाउनको लागि स्वतन्त्रताको अभियान हो भनेर बुझाइँदैछ ।
रुसका विद्यालयमा बालबालिकालाई शिक्षा दिने राष्ट्रव्यापी कार्यक्रम पनि सुरु गरिएको बताइएको छ । शिक्षा मन्त्रालयले युक्रेनमा रूसी आक्रमणको सम्बन्धमा ‘ओपन लेसन’ नामक राष्ट्रव्यापी कार्यक्रम सुरु गरेको छ ।
कार्यक्रम अन्तर्गत बालबालिकालाई भिडियो मार्फत बुझाइने गरिन्छ । रुसको शिक्षा मन्त्रालयले गरेको फेसबुक पोस्टमा युक्रेनमा मुक्ति अभियानको आवश्यकता किन परेको थियो भनेर विद्यालयका बालबालिकालाई बताइने जनाएको छ।
‘ओपन लेसन’को माध्यमबाट विद्यालयहरुमा बुझाइएको छ कि, रुसको लक्ष्य रसियन भाषा बोल्ने र रसियन नागरिक राष्ट्रवादीहरुलाई समावेश गर्नु रहेको उल्लेख गरिएको छ ।
रिपोर्ट अनुसार विद्यालयमा ‘शान्तिको रक्षक’ नामको भिडियो प्ले भइरहेको छ । शिक्षा मन्त्रालयको फेसबुक पोस्टमा भनिएको छ, ‘बालबालिकाहरूलाई बताउन आवश्यक छ कि हामीलाई नेटोबाट कुन कुराले धम्की दिन्छ र हामी किन डोनेट्स्क र लुहान्स्कका जनतालाई सुरक्षा गरिरहेका छौं।’
