एजेन्सी । जर्मन क्लब बायर्न म्युनिख च्याम्पियन्स लिगको अन्तिम १६ मा प्रवेश गरेको छ ।
समूह चरणको खेल अन्तर्गत मंगलबार राति बायर्नको मैदानमा भएको खेलमा बायर्नले पोर्चुगीज क्लब बेन्फिकालाई ५-२ गोलले पराजित गर्दै अन्तिम १६ मा स्थान बनाएको हो । बायर्नको जितमा रोबर्ट लेवान्डोस्कीले ह्याट्रिक गरे ।
उनले खेलको २६, ६१ र ८४ औं मिनेटमा गोल गरेका हुन् । यस्तै ३२ औं मिनेटमा सर्ज गनाब्री र ४९ औं मिनेटमा लेरोइ सानेले गोल गर्दा बायर्न ५-२ गोलले विजयी बन्यो ।
यता बेन्फिकाका लागि ३८ औं मिनेटमा मोराटो र ७४ औं मिनेटमा डार्विन नुनेजले गोल गरे ।