काठमाडौँ । राष्ट्रपति विद्यादेवी भण्डारी समक्ष प्रधानमन्त्री शेरबहादुर देउवाले नेपाल सरकारले गरेका काम र प्राप्त उपलब्धिसहितको वार्षिक प्रतिवेदन पेश गर्नुभएको छ ।
प्रधानमन्त्री देउवाले नेपालको सविधानको धारा ५३ बमोजिम राज्यका निर्देशक सिद्धान्त, नीति र दायित्व कार्यान्वयन सम्बन्ध एवं सुशासन (व्वस्थापन तथा संञ्चालन) ऐन, २०६४ को दफा ४१ बमोजिम आर्थिक वर्ष २०७७/२०७८मा नेपाल सरकारले गरेका काम र प्राप्त उपलब्धिसहितको वार्षिक प्रतिवेदन पेश गर्नुभएको हो ।
यसैगरी राष्ट्रपति समक्ष प्रधानमन्त्री एवं राष्ट्रिय सुरक्षा परिषद्को आर्थिक वर्ष २०७७/२०७८को प्रतिवेदन पनि पेश गर्नुभएको छ । प्रतिवेदन पेश गर्ने समारोहमा गृहमन्त्री बालकृष्ण खाँड, संञ्चार तथा सूचना प्रबिधि मन्त्री ज्ञानेन्द्रबहादुर कार्की लगायत नेपाल सरकारका उच्च पदस्थ अधिकारीहरुको उपस्थिती रहेको थियो ।
