• १८ असार २०७९, शनिबार
  •      Sat Jul 2 2022
Logo
Latest
★   राससका अध्यक्ष झालाई स्वतन्त्रता सेनानी सम्मान ★   चुइगम पड्काएरै सके नेपालीले ४१ करोड ★   निजगढ अन्तर्राष्ट्रिय विमानस्थल गठबन्धन सरकारको पहिलो प्राथमिकतामाः प्रधानमन्त्री देउवा ★   स्वतन्त्र उम्मेदवारहरु पनि छुट्टै राजनीतिक दल घोषणा गर्ने तयारीमा ★   स्वास्थ्य मन्त्रालयद्वारा पूर्वतयारी अवस्थामा रहन अस्पताललाई निर्देशन ★   प्रधानसेनापतिद्वारा संयुक्त राष्ट्रसङ्घ मुख्यालयको भ्रमण ★   सभामुख सापकोटा र अजरबैजानका सभामुख गफारोवाबीच भेटवार्ता ★   गिरिजाप्रसाद कोइरालाको नाममा विश्वविद्यालय स्थापना गर्नुपर्छः उद्योगमन्त्री बडू ★   गाईघाटका पसल डुबानमा ★   बेनी–जोमसोम सडक अवरुद्ध

मलेसियामा २ सय नेपाली समातिए



मलेसिया सरकारले अवैध बसिरहेका विदेशी कामदारलाई स्वदेश फर्काउन आइतबार बिहानैदेखि धरपकड सुरू गरेको छ। पहिलो दिन २ सय भन्दा बढी नेपाली पक्राउ परेको नेपाल–मलेसिया वैदेशिक रोजगार समन्वय समितिका संयोजक हरि भट्टराईले जानकारी दिएको आजको नागरिक दैनिकमा समाचार छापिएको छ।

उनका अनुसार राजधानी क्वालालाम्पुरलगायत जोहोरबारू, पेनाङ, इपो, केलाङ र देङकिल क्षेत्रबाट बढी पक्राउ परेका छन्। नेपाली कामदार बढी बस्ने ठाउँ पनि पेनाङ र जोहोरबारू नै हो।
दुई सयभन्दा बढी नेपाली समातिएको खबर छ, तर यहाँको अध्यागमन विभाग र नेपाली दुतावासले केही जानकारी दिएको छैन,’ उनले आइतबार बेलुकी भने,’ पक्राउ परेका सबै अवैधानिक पनि नहुन सक्छन्, सोमबार अफिस खुलेपछि मात्र यकिन थाहा हुन्छ।’
मलेसियाली अध्यागमन विभाग नेतृत्वको टोलीले शनिबारदेखि नै धरपकट सुरू गरेको थियो। तीन बजे विहान सबैभन्दा बढी पक्राउ परेका थिए। राति अबेरसम्म यो क्रम जारी रहेको त्यहाँका नेपाली व्यवसायी तथा कामदारले बताएका छन्।
यसबाट करिब ७ लाख नेपाली कामदार रहेको मलेसियामा ६५ हजार प्रतक्ष प्रभावित हुनेछन्। मलेसियामा विभिन्न देशका करिब २० लाख कामदार अबैध छन्।