काठमाडौं । सहिद स्मारक 'ए' डिभिजन लिग फुटबल अन्तर्गत त्रिभुवन आर्मी क्लब र नेपाल पुलिस क्लबले बराबरी खेलेका छन् ।
त्रिपुरेश्वरस्थित दशरथ रंगशालामा सोमबार भएको विभागीय डर्बीमा दुबै टिमले १(१ गोलको बराबरी खेल्दै अंक बाँडेका हुन् ।
पुलिसका सन्तोष हेमरामले गोल गरे भने आर्मीका विवेक बस्नेतले बराबरी गोल फर्काए ।
खेलको ५१ औं मिनेटमा सन्तोष हेमरामले गोल गर्दै पुलिसलाई सुरुआती अग्रता दिलाएका थिए ।
खेलको ६१ औं मिनेटमा परिवर्तित खेलाडी विवेक बस्नेतले गोल गर्दै आर्मीलाई १(१ गोलको बराबरीमा ल्याए ।
आर्मीका सेसेहाङ म्यान अफ दि म्याच घोषित भए ।
