सफल गायक असफल नायक

काठमाडौं, २ पुस –

सदाबहार गायक उदितनारायण झाको स्वरले कलिउडमा मात्र होइन ,बलिउडमा पनि करिब दुई दशक तहल्का मच्चायो । यो उनको क्रेजमा अझै पनि कत्ति कमी आएको छैन । गायकमा उनको स्तरले पिकअप लिइरहँदा चलचित्रमा नायक भएर आफ्नो क्रेजलाई अझ माथि उठाउने चाहना बढ्यो उनमा । अनि निर्माताहरु पनि उनका स्वरका फ्यानहरुले मात्र चलचित्र हेरिदिए पनि लगानी सुरक्षित हुने आशाले लगानी गर्न हिच्किचाएनन् । हुन त उदित अभिनित चलचित्र ‘कुसुमे रुमाल’ व्यावासायिक रुपमा पनि सफल भयो तर उदितलाई नायकको रुपमा सफलता मिलेन । उनको अभिनय क्षमताको पनि त्यति प्रशंसा भएन । त्यसपछि उनी गायन क्षेत्रमै सक्रिय रहे । अर्का नेपाली मूलका गायक प्रशान्त तामाङले गायन प्रतियोगितामा ‘इण्डियन आइडल’को उपाधि पाएपछि एकाएक चर्चामा आए । चर्चा र सफलतासँगै उनका प्रशंसकहरु बढ्ने नै भए । अधिकांश नेपालीहरुले इण्डिन आइडल बनान अभियानकै रुपमा सहयोग गरेकोले उनलाई पनि नायक बनाएर चलचित्र हेर्न दर्शक तान्ने मसलाको रुपमा निर्माताहरु लागि परे । उनी अभिनित गोर्खा पल्टनले व्यापार पनि राम्रै ग-यो । त्यसपछि उनलाई नायक बनाएर करिब आधा दर्जन चलचित्रहरु प्दर्शनमा आए । तर ती कुनै पनि चलचित्रले सफलताको स्वाद चाख्न पाएनन् । हुन त प्रशान्तमा अभिनय क्षमता पनि खासै थिएन । न त शारीरिक बनावट नै सशक्त पात्रको भूमिका निभाउन लायक नै थियो । त्यसैले उनी गायकमा जति फिट थिए उति नायकको रुपमा फिट भएनन् ।

त्यसैगरी अर्का गायक यम बराल पनि सुरुमा नायक बन्नकै लागि भनेर काठमाडौं छिरेका थिए । विस्तारै कुनै पनि चलचित्रमा काम गर्ने अवसर नपाएपछि आफ्नो सुरिलो स्वरको सदुपयोग गर्दै विभिन्न चलचित्र तथा आधुनिक गीतहरु गाउन थाले । विस्तारै उनको गीतहरु बजारमा चल्न थालेपछि चलचित्र ‘मालती’मा नायकका रुपमा काम गर्ने अवसर पाए । तर उनलाई पनि दर्शक तथा स्रोताहरुले नायकको रुपमा हेर्नभन्दा गायककै रुपमा सुन्न चाहे । त्यसपछि उनले पनि अन्य कुनै चलचित्रमा काम गर्ने अवसर पाएनन् अर्थात् उनी सफल गायक त भए तर सफल नायक बन्ने सपना पूरा गर्न सकेनन् । अर्का गायक रामकृष्ण ढकालको पनि व्यथा उस्तै भयो । एकपछि अर्काे सदाबहार गीतको सफलतासँगै आम स्रोतामा उनको लोकप्रिय ज्यादै लोभलाग्दो गरी झ्याङ्गिदै थियो । उनलाई पनि गायकमै सीमित नरही नायक बन्ने चाहना मौलायो । चलचित्र ‘आशीर्वाद’मार्फत् नायक पनि भए उनी । तर चलचित्र आंशिक चले पनि उनको अभिनय क्षमता खासै चलेन । त्यसपछि चलचित्रमा उनलाई डो¥याएर नायक बनाउने आँट गर्ने निर्माता तथा निर्देशक कोही भएनन् । यद्यपि गायक क्षेत्रमा उनी अझै सक्रिय भए पनि उनको क्यारियर ओरालो लागेको अनुमान धेरैको छ । त्यसैगरी सफल गायक राजेशपायल राईले पनि नेपाली गायन क्षेत्रमा करिब दुई दशक राज गरे । अझै पनि उनका गीतसंगीतले नेपाली बजारमा राम्रै ठाउँ पाइरहेका छन । उनले पनि बेलाबेलामा विभिनन चलचित्रमा नायकको अनभव सँगालेका छन् । केही समय पहिले नै प्रदर्शनमा आएको ‘गुण्डाराज’देखि गत वर्ष प्रदर्शनमा आएको ‘सी माला’सम्म आउँदा उनले पनि नायकमा सफलताको स्वाद चाख्न पाएनन् । गायनमा भने उनी अझ पनि सफल न छन् ।

अर्का स्टाइलिष्ट गायक निमा रुम्बा चलचित्र ‘कागबेनी’बाट असफल नायकको पगरी गुथे । धीरज राईले चलचित्र ‘लक्ष्य’बाट क्रान्ति आलेले ‘शक्ति’ चलचित्रबाट नायकको अनुभव लिएका छन् । क्रान्ति आले अभिनित चलचित्र शक्ति प्रदर्शनमा नआउँदै क्रान्ति र शक्ति दुवै नेपाली रजपतबाट हराए । फेरि त्यो दिन ‘सान्नानी’ जस्ता गीतबाट चर्चामा रहेका अर्का गायक बाबु बोगटीले ‘बाटो मुनिको फूल’, नबिर्से तिमीलाई नपाए तिमीलाई’लगायत करिब आधा दर्शन चलचित्रमा अभिनय गरेका छन् । एकपछि अर्का चलचित्र पाइरहे पनि उनले पनि कुनै पनि चलचित्रमा सफलता हात पारेका छैनन् । यद्यपि उनी अभिनित चलचित्र ‘बाटो मुनिको फूल’ पाइरेसीको शिकार भएका कारण लगानी उठाउन नसकेको बताइन्छ । त्यसैगरी चलचित्र ‘प्रोडुसर’ अहिले चर्चामा छ ।

बाटो मुनिको फूल बाटै नायक भएका अर्का गायक यसकुमार पनि गायन क्षेत्रलाई भुलेर अहिले अर्का चलचित्र निर्माणमा व्यस्त छन् । बाबु भजन शिरोमणि भक्तराज आचार्यको जीवनमा आधारित चलचित्र आचार्यमा गायक सत्यराज आचार्यले नायकको रुपमा बाबुको रोल निभाए । गायन क्षेत्रमा बाबुको बिडो थाम्न सफल सत्य अभिनय क्षेत्रमा असफल नै ठहरिए ।चलचित्र कर्कशबाट पनि उनले असफलताबो स्वाद चाखिसकेका छन् । सरसर्ती हेर्दा गायन क्षेत्रमा सफल अधिकांश गायकहरुले नायकमा सफलता हात पार्न सकेका छैनन् । कतिपय निर्माताहरुले गायकको रुपमा भएको क्रेजलाई र उनीहरुका समर्थकहरुलाई लक्षित गरेर नायक बनाए पनि त्यसमा सफलता हात पार्न सकेको देखिंदैन । गायकहरु पनि आफूमा
भएको कला एकातिर छोडेर पेशा नै चेञ्ज गर्दा उल्टै अप्ठ्यारोमा पर्ने गरेको देखिन्छ ।