• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   कानुनी निरुपण : प्रहरीले पक्राउ गर्यो, अब के गर्ने ? ★   घुमघामको गन्तव्य टौदह: काठमाडौं उपत्यकाकै सबैभन्दा ठूलो प्राकृतिक ताल-फोटो फिचर ★   विस्तारित स्वास्थ्य सेवामा पहुँच बढाउन अमेरिकाद्वारा करिब १६ करोड रुपैयाँको धनुषा प्रसूति केन्द्रको हस्तान्तरण ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छ: पूर्वराष्ट्रपति भण्डारी ★   चैत २३ र २४ गते लुम्बिनीमा अन्तर्राष्ट्रिय शान्ति मेला ★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा

जिउमा लगाउने स्मार्ट ग्याजेटको बन्दै



अझै स्मार्ट, चिप्सवाला फेसनका पारखीहरुका लागि वर्ष सन् २०१५ साँच्चीकै दर्शनीय वर्ष बन्नेवाला छ ।
एन्ड्रोइड वेयर, एप्पल वेयर, गो क्वी लाइफ, सोनीको पाखुरे ब्याण्ड जस्ता ग्याजेटहरु हाम्रो २४ घण्टे स्थायी सहयोगी बन्दैछन् ।
सूचना प्रविधि सम्बन्धि अमेरिकी अनुसन्धान कम्पनी गार्टनरका शोध निर्देशक कमलेश भाटिया इकोनोमिक टाइम्ससँग भन्छन्, ‘पहिरिने सामानहरुको अबलम्बन सन् २०१४ मा स्थापित भयो भने सन् २०१५ मा सेफ्टी र सेक्युरिटी सम्बन्धि एप्लिकेसनहरुले बर्चश्व जमाउनेछन्।’
उनका अनुसार मानिसहरुले यस्ता डिभाइसको प्रयोग गरिरहेका छन् जो आफ्नो स्वास्थ्यको निरन्तर रुपमा अनुगमन गर्ने स्वास्थ्य सम्ब्द्ध एपहरु भएको स्मार्टफोनसँग आबद्ध हुन्छ ।
अर्को रिसर्च र्फम फरेस्टर रिसर्चको दाबी छ की वर्ष सन् २०१५ वेयरेवल्स अर्थात् पहिरिने चिजको वर्ष हुनेछ । हरेक समयको डाटा संकलन गर्न सक्नु यस्ता वेयरेवल्सको नयाँ खुबी रहेको र त्यो सस्तो मूल्यमा उपलब्ध दूर अनुगमन सेवा जस्तो रहेको फरेस्टरका विश्लेषक जुली आस्क बताउँछन् ।
स्मार्ट वाचले उपभोक्ताको ध्यान तानिसकेको छ, जसमा सामसुङ, एलजी, एप्पल, सोनी जस्ता ब्रान्ड प्रतिस्पर्धामा उत्रिएका छन् ।

सिलिकन भ्यालीका व्यवसायी तथा लगानीकर्ता विनोद खोस्लाका अनुसार भविष्यमा डाक्टरले गर्नेमध्ये ८० प्रतिशत काम मेसिनले प्रतिस्थापन गरिदिनेछन् । सामसुङको ग्यालेक्सी एस फाइभमा रहेको मुटुको अनुगमन गर्ने हार्ट मनिटर एप, सोनीको एक्सपेरिया जेडको लाइफ लगिङ एपलाई आफ्नो स्वास्थ्यप्रति सचेत प्रयोगकर्ताहरुले निकै रुचाएको पाइएको छ ।
भारतको बैंगलोरको एक टेक कम्पनीले यस्तो सेन्सर बनाउँदैछ जसलाई प्रयोगकर्ताको मोबाइलमा राखेपछि त्यसले मानिसको सम्पूर्ण स्वास्थ्यअवस्थाको जानकारी गराउँछ ।
अमेरिकामा केही विमा कम्पनीहरुले आफ्ना ग्राहकहरुका लागि उनीहरुको स्वास्थ्यको नियमित अनुगमन गर्ने स्मार्ट वेयरेवल्सको प्रयोगलाई प्रोत्साहन गरिरहेका छन् र त्यस्ता डिभाइस प्रयोग गर्ने ग्राहकका लागि विशेष सहुलियत समेत दिने गरेका छन् ।
गुगल, एप्पलजस्ता कम्पनी पनि स्मार्ट जुत्ता उत्पादनमा लागेका छन ।

उपभोक्ताहरुमा स्मार्ट वयेर डिभाइस किन्ने दर बढेको छ । अनलाइन सपिङ साइड फि्लपकार्टमा मार्टियन वाच, मोटो ३६० स्मार्टवाच तथा ग्रामिन विवोफिट फिटनेस ब्याण्ड निकै लोकपि्रय बनेका छन् । त्यस्तो अर्को अनलाइन सपिङ साइट अमेजन डट इनमा गु क्यू लाइफ सबैभन्दा बढि किनिएको साधन बनेको छ ।
यस्ता वेयरेवल्सहरु मानिससँग हुनैपर्ने साधन बन्दैगर्दा केही चुनौति भने बढिरहेका छन्, खासगरि गोपनियता र सुरक्षा सम्बन्धमा ।
गुगल ग्लासलाई कुनै छलफलको रेकर्ड गर्ने तथा संवेदनशील डाटाको तस्वीर लिनका लागि कसरी प्रयोग गर्नुपर्छ भन्ने कुराको विषयमा प्रश्न उठाइएको छ ।
गएको अक्टोबरमा अमेरिकाको मोसन पिक्चर एसोसिएसनले थिएटरहरुमा गुगल ग्यास तथा अन्य वेयरेवल डिभाइसहरुको प्रयोगमा रोक लगाएको थियो । अमेरिकाका केही रेष्टुरेन्टमा गोपनियताको कारण देखाउँदै गुगल ग्लासलाई प्रतिबन्धित गरिएको छ ।
यो प्रवृत्तिले पहिरिने स्मार्ट ग्याजेटका लागि सन् २०१५ वृद्धिमुखि भएपनि चुनौतिपूर्ण रहेको औल्याएको छ ।




भर्खरै