• १५ बैशाख २०८१, शनिबार
  •      Sat Apr 27 2024
  •   Unicode
Logo
Latest
★   इलाम उपनिर्वाचनः राप्रपाका लक्ष्मी गुरुङले गरे मतदान ★   इलाम–२ मा डम्बर खड्काले गरे मतदान ★   इलाम उपनिर्वाचनः सुहाङ र मिलनले गरे मतदान ★   इलाममा १९ र बझाङमा १२ जना उम्मेदवारबीच प्रतिस्पर्धा ★   ५२३ रन र ४२ छक्का, कोलकाता र पञ्जाबबीचको खेलमा छक्काको वर्षा, बन्यो यस्तो रेकर्डहरु ★   बाल मन्दिरको जग्गा बृहस्पति विद्या सदनलाई भाडामा दिने सम्झौता खारेज ★   प्रिमियर कपबाट सबै निराश रहे पनि त्यसलाई भुलेर भविष्यतर्फ केन्द्रित छौंँ – कप्तान रोहित ★   विश्वासको मत लिनु नपर्ने मुख्यमन्त्रीको कार्कीको अडान ★   नेपालले वेस्ट इन्डिज ‘ए’ सँग प्रतिस्पर्धा गर्दै ★   पञ्जाबले आईपीएल इतिहासमै सबैभन्दा ठूलो लक्ष्य पछ्यायो, २६२ रनको लक्ष्य भेट्टायो

चार दल बैठक



काठमाडौँ, भदौ १८ । प्रमुख चार दलका शीर्ष नेताबीच नेपालको संविधानको परिमार्जित विधेयक २०७२ मा के–कस्तो संशोधन राख्ने र कसरी अघि बढाउने भन्ने विषयमा केन्द्रित रहेर छलफल भएको छ ।

प्रधानमन्त्री निवास बालुवाटारमा आज साँझ बसेको शीर्ष नेताको बैठकमा परिमार्जित विधेयकको मस्यौदामा देखिएको भाषागत त्रुटी र नमिलेका प्रसङ्गलाई हटाउनुपर्ने आवश्यकताका बारेमा कार्यदलका सदस्यले जानकारी गराउनुभएको थियो ।

प्रमुख चार दलका तर्फबाट परिमार्जित विधेयकको मस्यौदामाथि सकेसम्म साझा प्रस्ताव तयार गरेर संशोधन हाल्ने गृहकार्य भइरहेको छ । त्यसका लागि नेपाली काँग्रेसका उपसभापति रामचन्द्र पौडेल, नेकपा (एमाले)का उपाध्यक्ष भीम रावल, एनेकपा (माओवादी)का उपाध्यक्ष नारायणकाजी श्रेष्ठ र मधेसी जनाधिकार फोरम (लोकतान्त्रिक)का नेता जीतेन्द्रनारायण देव रहेको कार्यदललाई जिम्मेवारी दिइएको छ ।

बैठकपछि नेपाली काँग्रेसका उपसभापति पौडेलले कार्यदलले परिमार्जित विधेयकमा नमिलेका भाषालाई मिलाउने काम गरेको जानकारी दिनुभयो ।

नेकपा (एमाले)का उपाध्यक्ष भीम रावलले मस्यौदा विधेयकमाथि संशोधन के केमा राख्न सकिन्छ तथा त्यसलाई कसरी अघि बढाउन सकिन्छ भन्नेमा शीर्ष नेताबीच छलफल भएको बताउनु भयो ।

‘‘सबै पक्षबाट चासोका साथ हेरिएको तथा बहसमा रहेका सङ्घीय प्रदेशको सीमाङ्कन, धर्मलगायतका विषयमा भोलि छलफल गरेर टुङ्ग्याउने कुरा भएको छ’’– उहाँले भन्नुभयो ।

एनेकपा ९माओवादी०का महासचिव कृष्णबहादुर महराले कार्यदलले विवादित मूल विषयमा प्रवेश नगरेको बताउनुभयो । उहाँले भन्नुभयो–“नागरिकता, सेना परिचालन, संरक्षित क्षेत्रसँग सम्बन्धित मस्यौदामा देखिएका भाषागत त्रुटीलाई सच्याउने काम भएको छ, मूल विवादित विषयमा प्रवेश गरेका छैनौ ।”

संविधानको विधेयकको मस्यौदामाथि संशोधन हाल्न संविधानसभाले राजनीतिक दललाई भोलिसम्मको समयसीमा तोकेको छ । संविधानसभाको निर्देशनअनुसार प्रमुख राजनीतिक दलको भोलि बिहान बस्ने बैठकले संशोधनसम्बन्धी विषयलाई टुङग्याउने बताइएको छ ।

बैठकमा नेपाली काँग्रेसका सभापति एवम् प्रधानमन्त्री सुशील कोइराला, नेकपा (एमाले)का अध्यक्ष केपी ओली, एनेकपा (माओवादी)का अध्यक्ष पुष्पकमल दाहाललगायतका प्रमुख चार राजनीतिक दलका नेता एवम् संसदीय दलका प्रमुख सचेतकहरू सहभागी हुनुहुन्थ्यो । रासस