काठमाडौं, भदौ ३१ । दक्षिण अमिरिकी मुलुक चिलीमा शक्तिशाली भूकम्प गएको छ । भूकम्पका कारण त्यहाँको राजधानी सान्टियागोमा भवनहरुमा क्षति पुगेको छ ।
सान्टियागोबाट करिब २४६ किलोमिटरको टाढा उत्तर–पश्चिम तटीय क्षेत्रमा भूकम्पको झड्का ८.३ म्याग्निच्यूड मापन भएको छ ।
‘प्यासेफिक सुनामी वार्निङ सेन्टर’ले भूकम्पका कारण विनाशकारी सुनामी आउन सक्ने चेतावनी दिएको छ ।
भूकम्पका कारण अहिलेसम्म एक जनाको मृत्युको खबर बाहिर आएको छ । १५ जना घाइते भएका छन् । त्यहाँका तटीय क्षेत्र खाली गर्न आदेह दिइएको छ भने वालपरासियो पोर्टमा सुनामीको साइरनको आवाज सुनिएको छ ।
स्थानीय समय अनुसार ७ बजेर ५४ मिनेटमा भूकम्प गएको अमेरिकी भूगर्भ सर्वेक्षण (युएसजीएस)ले उल्लेख गरेको छ । यसको केन्द्रबिन्दू इल्लापेल सहरबाट ५५ किलोमिटर टाढा पश्चिममा भएको र केन्द्रबिन्दू जमिन सतहको १० किलोमिटर गहिराइमा रहेको जनाइएको छ । (एजेन्सी)
