काठमाडाैं । नागरिक लगानी काेषमा रकम संचय गर्ने कर्मचारीमाथि करकाे नयाँ दरले हल्लीखल्ली भएकाे छ । काेषले चालू अार्थिक वर्षकाे साउनदेखि संचित रकममा १५ प्रतिशत अायकर लिन थालेकाे छ । यसअघि अायकर बापत ५ प्रतिशत लिने गरिएकाे थियाे ।
द राइजिङ नेपालमा प्रकाशित समाचार अनुसार काेषका प्रवक्ता सुशील कुमार अर्यालले अान्तरिक राजश्व विभागकाे परिपत्र अनुसार साउनदेखि नै संचित रकममा १५ प्रतिशत अायकर लिन थालिएकाे जानकारी दिनुभयाे ।
याे व्यवस्थाले नागरिक लगानी काेषमा रकम जम्मा गर्ने अाम संचयकर्तालाइ असमन्जसमा पारेकाे छ । काेषमा तलबकाे ३३ प्रतिशतसम्म जम्मा गर्ने प्रावधान थियाे । यस्ताे संचित रकममा कर नलाग्ने भएका कारण कर्मचारी काेषप्रति अाकर्षित भएका थिए ।
उदाहरणका लागि, काेषमा १० लाख रूपैंया जम्मा भएकाे खण्डमा १ लाख ५० हजार कर तिर्नुपर्ने भएकाे छ । कर्मचारीले अवकाश हुँदा ८ लाख ५० हजार मात्र फिर्ता पाउनेछन् ।
गत वर्ष नै ५ प्रतिशत कर लिने प्रावधान राखिएपछि धेरै कर्मचारीले काेषकट्टी गर्न छाडेका थिए भने कतिपयले खाता बन्द गरेका थिए । याे नयाँ प्रावधानले सबै संचयकर्तामाथि नैतिक प्रश्न खडा गरेकाे काेषमा रकम जम्मा गर्ने यसाेदा भट्टराइले बताउनुभयाे ।
अर्का बचतकर्ता देवी प्याकुरेलले नेपाल सरकारकाे नीतिमै खाेट रहेकाे बताउनुभयाे । उहाँले काेषमा जम्मा गरेकाे रकममा कर लाग्दैन, अायकर तिर्नु पर्दैन भनेर काेषमा खाता खाेलेर रकम जम्मा गरेकाे तर अहिले कर लिन्छु भन्नु सरासर अन्याय हाे भन्नुभयाे । अब अायकरकाे छुट पाइन्छ कि भनेर तलबबाट काेषमा पैसा पठाउनुकाे कुनै अर्थ रहेन, प्याकुरेलले गुनासाे गर्नुभयाे ।
कर्मचारीलाइ ट्रापमा पारिएकाे छ, उहाँकाे भनाइ छ ।
उहाँले गत वर्ष ५ प्रतिशत कर लिँदा धेरै कर्मचारीले जसाेतसाे सहेकाे बताउँदै अब १५ प्रतिशत कर लिने हाे भने काेष बहिस्कार गर्नुकाे विकल्प नरहेकाे स्पष्ट गर्नुभयाे । उहाँले भन्नुभयाे, चाैतर्फी कर बढाएकाे विराेध भइरहेकाे समयमा याे पनि त्यसैकाे एक हिस्सा हाे । अर्थमन्त्रीकाे ध्यान सकारात्मक र राहत दिनेतर्फभन्दा कर उठाउनतर्फ मात्र केन्द्रित भएकाे पाइनु दुःखद हाे ।
याे प्रावधान स्वीकार्य छैन, हामी अब काेषमा रकम जम्मा गर्दैनाैं, अर्का एक कर्मचारीले अाक्राेश पाेखे ।
