निर्मला पन्तका हत्यारा पक्राउ गर्न मागगर्दै पोष्टर टाँस्ने युवायुवतीहरुलाई प्रहरीले पक्राउ गरेको छ । काठमाडौंको माइतीघर मण्डलामा उनीहरुले शुक्रबार अपरान्ह पोष्ट टाँस्न खोज्दैगर्दा उनीहरुलाई पक्राउ गरिएको हो । मण्डलामा जम्मा भएका केही युवायुवतीहरुले विजुलीको खम्बामा निर्मलाका पोष्ट टाँस्न खोज्दै थिए । कञ्चनपुरकी १३ वर्षीया बालिका निर्मला पन्तको बलात्करपछि हत्या भएको थियो । तर सरकारले दुई महिनाभन्दा लामो समयसम्म पनि हत्यारा पक्राउ गर्न सकेको छैन । उनको हत्यारालाई पक्राउको माग गर्दै उनको तस्बिर सहितको पोस्टर टाँस्न खोज्ने १२ जनालाई प्रहरीले पक्राउ गरेको बताछ । सो अभियानका अभियानकर्ता सिर्जना बिश्वकर्माका अनुसार पन्तको तस्बिर टाँस्ने क्रममा प्रहरीले हस्तक्षेप गरेको थियो ।
पन्तको बलात्कारी र हत्यारालाई पक्राउ माग गर्दै माइतीघरमा प्रदर्शन समेत गरिएको थियो । बिजुलीको पोलमा उनको तस्बिर टाँस्न खोज्दा पक्राउ गरिएको थियो । उनका अनुसार पक्राउ परेका सबै जनालाई अहिले सिंहरदबार प्रहरी वृत्त लगिएको छ । “सरकार भेटियो, न्याय भेटिएन” भनेर लेखिएको पोस्टर टासेको आरोपमा ती १२ जनालाई नेपाल पोलिसले पक्राउ गरेर अनामनगर पुलिस स्टेसनमा ल्याएको छ ।
