काठमाडौँ । नेपाली कांग्रेसको महासमिति बैठकमा मंगलबार बिहान माईक खोसाखोस भएको छ । जिल्ला सभापतिहरुले विधानको मस्यौदा प्रस्तुत नगरेसम्म बैठक बस्न नदिने भनेपछि तनावकाे अवस्था सृजना भएको हो ।
जिल्ला सभापतिहरुको मागका बारेमा सभापति शेरबहादुर देउवाले अस्विकार नगरेकाे सहभागीहरूकाे भनाइ छ । जिल्ला सभापतिहरु मञ्चमा नै उक्लिएर होहल्ला सहित हाताहात गर्ने स्थितिमा पुगेका थिए। सभापति देउवालाई जिल्ला सभापतिहरुले विधान खोई भनी प्रश्न गर्दै होहल्ला सुरु गरेका थिए । सभापति देउवाले कार्यक्रम गर्दै गर्नु, बोल्ने क्रम जारी राख्नु विधान बन्दै गर्छ भनेका थिए । तर पनि उनको कुराको बेवास्ता गर्दै बोल्नेक्रममा रहेका नुवाकोटका सभापति जगदिश्वरनरसिंह केसीले भने पार्टी सभापति देउवाप्रति लक्षित गरेर आक्रोस पोखेका थिए । त्यस क्रममा उनले माइक नै आक्रमणको तम्तयारी गरेको टाढैबाट हेर्दा बुझिन्थ्यो ।
बैठकमा सभापतिहरुका तर्फबाट बोल्ने क्रममा नुवाकोटका पार्टी सभापति जगदिश्वरनर सिंह केसीले चार दिनसम्म पनि विधान नआएको भन्दै पार्टी सभपतिप्रति लक्षित गरेर माइक प्रहार गर्न खोजेका थिए । त्यसपछि सहमहामन्त्री डा.प्रकाशशरण महतले सभापतिमाथि लक्षित सो माइक राेकेका थिए । डा.महत उक्त माइक रोक्नका लागि मञ्चमै पुगेकोले सभापति केसीले आफ्नो माइक डा.महतले खोसेको भनी आरोप लगाएका छन् । त्यसपछि उनले त्यहाँ उपस्थित प्रतिनिधिहरुलाई पनि आफ्नो माइक खोसिएको भनी प्रचार गरेका थिए । तर डा.महतले भने साे माइक सभापतिप्रति लिक्षित रहेकाेले खाेसेकाे प्रत्यक्षदशीले सभाहलबाट जनाएका छन् ।
जिल्ला सभापतिहरुले होहल्ला गर्न थालेपछि देउवाले हतार हतार बैठक स्थगित भएको घोषण गरेका थिए । अहिले सभापति देउवासहितका नेताहरु कांग्रेस संसदीय दलको कार्यालय सिंहदरबारमा भेला भएर विधान मस्यौदा माथि छलफल गरिरहेका छन्।
