वीरगन्ज । पर्साको सीमावर्ती नाकाबाट भारततर्फ इन्धन लगिरहेको समूहलाई नियन्त्रणमा लिँदा खोज्दा तस्कर र प्रहरी बिच झडप भएको छ ।
उक्त झडपमा एक प्रहरी सहायक निरीक्षक सहित चारजना प्रहरी घाइते भएका छन् ।
तस्कर र स्थानीयको कुटाईबाट पाँडेपुर चौकीका इन्चार्ज असई विष्णु देव यादव, प्रहरी हवल्दार प्रेम थापा, प्रहरी जवान अर्जुन चौधरी र पिडारीगुठीका असई जय किशुन महतो घाइते भएका छन् ।
आज बिहान ३ बजेको समयमा मोटरसाइकलमा तेल बोकेर पाँडेपुर हुँदै भारतको इनर्वाको देवीगन्जतर्फ लगिरहेका तस्कर समूहलाई नाकामा पर्ने ओरिया खोलामा गस्ती गरिरहेका प्रहरीले रोकेका थिए । प्रहरीले खानतलासी गर्न खोज्दा तस्करहरुले प्रहरीमाथि ढुङगा र लठ्ठि प्रहार गरेपछि झडप परेको थियो
झडपमा गम्भिर घाइते भएका प्रहरीको वीरगञ्जको एसएल न्यूरो एण्ड जनरल अस्पताल र नारायणी उप-क्षेत्रीय अस्पतालमा उपचार भइरहेको प्रहरी उपरीक्षक ढकालले बताए । झडपमा समान्य घाइते भएका प्रहरी सहायक निरीक्षक जय किशुन महतो स्थानीय स्वास्थ्य चौकी मै उपचार गराई फर्किएका छन् ।
