काठमाडौँ । राजधानीमा घर हुँदाहुँदै झुक्काएर संसद् सचिवालयबाट भाडा बुझेका सांसदले भटाभट रकम फिर्ता गर्न थालेका छन् । बुधबारसम्म १२ जना संसदले घर भाडा फिर्ता गरेको सचिवालयले जनाएको छ।
संसद् सचिवालयका अनुसार बुधबार भाडा फर्काउनेमा नेकपाका पार्वत गुरुङ पम्फा भुसाल, दलबहादुर रानाले आफुले लिएको रकम फिर्ता गरेका हुन् ।
काठमाडौंमा घर भएपनि घर छैन भनेर घर भाडा लिएको समाचार आएपछि कांग्रेसका कर्मा घले,नारायण खड्का, भीमसेनदास प्रधान, उमेश श्रेष्ठ, बहादुरसिंह तामाङ, दिव्यमणि राजभण्डारीले यसअघि नै फिर्ता गर्ने बचन दिसकेका थिए ।
नेकपाका योगेश भट्टराई, यज्ञबहादुर सुनुवार र कांग्रेसका अमरेशकुमार सिंहले आफुले लिएको भाडा तलबबाट कट्न यस अगि नै सचिवालयलाई पत्र बुझाएका हुन् । उनीहरू सबैले सचिवालयको गल्तीले घर भाडा आफ्नो बैंक खातामा आएको दाबी गरेका छन् ।
