काठमाडौं । प्रधानमन्त्री केपी शर्मा ओलीले सन् २०१९ मा समृद्ध नेपाल र सुखी नेपालीको महाअभियान सफल बनाउने उल्लेख गरेका छन् । उनले उक्त अभियानलाइ सबै नेपालीले सफल पार्न सहयोग गर्ने विश्वास व्यक्त गरेका छन् ।
अंग्रेजी नयाँ वर्ष २०१९ का अवसरमा नेपाली जनतालाइ शुभकामना सन्देश जारी गर्दै प्रधानमन्त्री ओलीले अर्को नयाँ वर्षको संघारमा नपुग्दै आफ्नो अभियानलाइ सार्थक बनाउने बताएका छन् । उनले भने, जनताको जीवन सुखी र राष्ट्रको अवस्था समृद्ध बनाउने अभियान सार्थक विन्दुमा यो बर्ष नभएपनि अर्के बर्षमा पुग्ने छ ।
‘निर्वाचनमार्फत् प्रकट जनचाहना र हाल जनताबाट आएको गुनासोलाई शीरमा राख्दै मैले पटकपटक संकल्प गरेको छु– जनताका अपेक्षालाई कुनै पनि हालतमा विफल हुन दिने छैन’ प्रधानमन्त्रीले आफ्नो शुभकामना सन्देशमा भनेका छन् । प्रधानमन्त्री ओलीले यो अभियानमा सम्पूर्ण पेशा, क्षेत्र, वर्ग र समुदायको साथ सहयोग रहने विश्वाससमेत व्यक्त गरेका छन् ।
प्रधानमन्त्री ओलीले सन् २०१८ मा संविधान कार्यान्वय र संक्रमणकाल अन्त्यको भएको उल्लेख गर्दै यो बर्ष राजनीतिक उपलब्धिको वर्ष भएको बताएका छन् ।
