धादिङ । धादिङबाट विदेश गएका २३ जना युवा सम्पर्कबिहीन भएका छन् । जसमध्ये केहि व्यक्ति १६ वर्षदेखि सम्पर्कमा नआएको उनिहरुका आफन्तले बताएका छन् ।
घर सल्लाह अनुसार नै विदेशमा धन कमाउन गएकाहरु एका एक बर्षौदेखी सम्पर्क बिहिन भएपछि आफ्न्तहरुलाइ पिरोल्न थालेको छ । जिल्ला प्रशासन धादिङका अनुसार हालसम्म मलेसिया १२, कुवेतमा ४, साउदी अरब र सिरियामा २–२ तथा जर्जियामा एक जना हराएका छन् ।
उनीहरु झार्लाङ, तिप्लिङ, सेर्तुङ, रि, कुम्पुर, त्रिपुरेश्वर, जोगीमारा, थाक्रे, नलाङ, धुवाँकोट, तसर्पु, सल्यानटार र नीलकण्ठका रहेका छन् । बेदैशिक रोजगारीमा जाने कामदार बेपत्ता हुने क्रम बढ्दै गएपछि जिल्ला प्रशासन कार्यालयमा परिवारका सदस्यले उद्धारका लागि सूचना तथा परामर्श केन्द्रमा उजुरी दिने क्रम बढ्दो छ ।
जिल्ला प्रशासन कार्यालय नजिकै वैदेशिक रोजगारीमा जानेका लागि स्विस सरकारको सहयोगमा आप्रवासी सुचना केन्द्र सन्चालनमा रहेको छ । वैदेशिक रोजगारको विषयमा केन्द्रबाट परामर्श गर्ने, उद्धार,न्याय तथा निशुल्क सिपको लागी सहयोग गर्दै आईरहेको छ ।
