ललितपुरः ललितपुर जिल्लाको ललितपुर महानगरपालिका ४ नख्खुमा पुस २१ गते विहान भएको आगलागी एपीएफ टोली, नेपाली सेना, स्थानीय प्रहरी तथा दमकलको सहयोगमा नियन्त्रणमा ल्याइएको सशस्त्र प्रहरीले जनाएकाे छ ।
नख्खुमा रहेको दुई वटा काठ फर्निचरमा आगलागी भएको भन्ने जानकारी पाउनासाथै सशस्त्र प्रहरी बल नेपाल गण हेक्वा ललितपुर नम्बर २१ गण तथा सशस्त्र प्रहरी बल नेपाल कारागार सुरक्षा बेस नख्खुबाट तत्कालै एपीएफ टोली खटिएको थियो ।
उक्त आगलागी नियन्त्रणमा एपीएफ टोलीको साथै जुद्ध बारुण यन्त्रको दुई वटा दमकल, भक्तपुरको दुई वटा, ललितपुरको दुई वटा र नेपाली सेनाको एक वटा दमकलको सहयोगमा आगो पूर्णरुपमा नियन्त्रणमा ल्याइएको हो ।
उक्त काठ फर्निचर उद्योगमा कामदारहरुले आगो ताप्ने क्रममा सो आगलागी भएको बताइएको छ । उक्त आगालागीबाट करीब ४० लाख रुपैयाँ बराबरको धनमाल क्षति भएको छ ।
