काठमाडौं । दुरसंचार प्रदायक संस्था नेपाल टेलिकमको प्रबन्ध निर्देशक पदमा डिल्लीराम अधिकारी नियुक्त भएका छन् । खुला प्रतिस्पर्धाबाट छानिएका अधिकारी टेलिकमकै दशौं तहका कर्मचारी हुन् ।
मन्त्रिपरिषदकाे बैठकले अधिकारीलाइ नियुक्त गरेकाे हाे ।
संचार तथा सूचना प्रविधि मन्त्रालयका सचिवकाे अध्यक्षतामा रहेकाे समितिले यसअघि तीन जनाको नाम सिफारिस गरेकाे थियाे । प्रवन्ध निर्देशक बन्न ११ जनाले आवेदन दिएकोमा डिल्लीराम अधिकारी, संगीता पहाडी अर्याल र बुद्धिप्रसाद आचार्यको नाम सिफारिस भएको थियाे ।
कामिनी राजभण्डारीलाई बर्खास्त गरेपछि यो पद चार महिनादेिख रिक्त थियाे ।
टेलिकम्युनिकेसन इन्जिनियर अधिकारी हाल १० तहमा छन् । उनी खुल्ला प्रतियाेगिताबाट १० तहमा बढुवा भएका थिए । उनीभन्दा संगीता पहाडी ४,५ वर्ष वरिष्ट रहेकाे टेलिकम स्राेतले जनाएकाे छ ।
मन्त्री बास्काेटाका अति निकट मानिएका अधिकारी २०५७ मा सात तहमा सेवा प्रवेश गरेका थिए । उनी अहिले एमडीकै कार्यकक्षमा प्राविधिक सल्लाहकारका रूपमा गत भदाैदेखि कार्यरत छन् ।
